Quen somos

Blog

Actividades de Educación Ambiental

Tecnoloxía

Natureza

Documentais

Microdocumentais

Artigos de opinión

Colaboradores

Enlaces de interés

Fondos de escritorio

Zona privada

Utilidades

Novidades

As carrizas de Sentín

Tódolos anos pola primavera sorpréndome no xardín desta casa! É coma un refuxio de cría de moitos paxariños. Gorrións, paporroibos, carrizas, lavandeiras, merlos… que aniñan nos lugares máis inverosímiles.

Neste microdoc as inquedísimas carrizas (non son capaces de parar quedas nin dez segundos no mesmo sitio) colocaron o seu niño de amor entre as hedras dun poste do muro da finca que se atopa a escasos 5 metros do asador e 8 da mesa do xantar.

As carrizas Troglodytes troglodytes (encántame o nome latino) son o segundo paxariño máis pequecho de Europa (o primeiro é a Estreliña), só mide do peteiro á cola de 9-10,5 cm. (unha característica súa e ter a cola erguida, o que a fai parecer aínda máis pequena, coma se ve na primeira escea do doc).

Constrúen niños completamente esféricos cunha pequena entrada redondeada. Coma materiais de construción utilizan principalmente musgo pero tamén fíos, folliñas, herbas…

No microdoc vese coma un dos pais lévalle a comida ós pequechos, observa como entra e vaise a por máis!

 
No seguinte microdoc, os pais séguenlles levando pequenas orugas, escarabellos e máis bechiños que atopaban polas fincas do redor. Os seus movementos son tan rápidos que algunhas tomas están ralentizadas á metade para que dea tempo a aprecialas mellor. Resulta típico nos paseriformes que trala toma de comida os pais fagan recollida de limpeza e leven no pico as heces dos pequechos. Este costume mantén sempre limpo o niño evitando enfermidades, e tamén o cheiro que desprenderían podería atraer a moitos depredadores ata o seu agocho.